Dheere-dheere kar ke maine bahut dost kho diye hai. Aur wajah yeh hai ki wajah hi nahi thi koi. Bass jaise hi hamare raaste alag huye, baatein bhi apne aap hi khatam ho gayi. Koi meme dekh kar aaj bhi uski yaad aati hai magar bhej nahi sakta. Matlab birthday to wish kar dunga per ab itna haq nahi hai, to treat nahi maang sakta. Mere bhi bahut dost hua karte the, per ab ginti ke reh gaye hai. Jitni tezzi se log aa rahe the, ab utni hi tezzi se sab jaa rahe hai. Ek hi shehar mai rehte hai, per ab hum milte hi nahi. Ek doosre ki stories barabar dekhte hai, per ab kuch bolte nahi.
Koi kisi ko chodhta nahi hai, sab chooth jaate hai. Humne bhaagte rehne ko itna seriously le liya hai na, ki hum thehar kar kuch sochte hi nahi, bass andha-dhun aage badhte chale jaate hai. Zaroori nahi hai ki jhagdhe ke baad hi log alag hote hai, ya baat band ho jaane ki koi wajah honi chahiye. Shayad kuch rishto ka na waqt hi simit hota hai. To jab tak woh saath hai na, to tab tak yaadein bana leni chahiye.
-M. N².
