Koi baat nahi agar tumhe aaj kal akele rehne ka mann kar raha hai. Koi baat nahi, jo kal tak pasand tha tumhe, aaj woh hi accha nahi lag raha hai. Koi baat nahi agar abhi tumhari khwaashihein badi, aur salary thodhi kam hai. Koi baat nahi agar tumhare favourite person se, filhal tumhari baatein band hai. Koi baat nahi agar zindagi mai abhi tak tum khudh ko, settled nahi lag rahe ho. Koi baat nahi agar tumhare saath wale ne mehengi gaadi le li, jabki tum scooty per hi ghoom rahe ho. Koi baat nahi agar abhi bhi tumhe bahar nikalne ke liye, parents ki permission chahiye. Koi baat nahi agar abhi tumhe yeh nahi pata, ki tumhe duniya se kya chahiye. Koi baat nahi agar waqt ke saath-saath utni tezz, tum bhaag nahi paa rahe ho.
Per kaisa lagega ? Agar main kahun tumse, ki tum apne hisaab se bilkul theek chal rahe ho. Social media per jo dikhta hai na, jhooth dikhta hai. Sab ki kahaani, tumhari kahaani ki tarah hi hai. To yeh mat samajhna ki aisa bass tumhare saath hi hota hai. Koi baat nahi, agar tumhe abhi meri bhi baat pasand nahi aa rahi hai. Per isey padhne ke baad tumhare chehre per smile to aani chahiye. Per koi baat nahi agar tumhare chehre per smile bhi abhi nahi aa rahi hai, sacchi...koi baat nahi.
-M. N².
