Kabhi aisa mehsoos hua hai ? ki apne dosto ke group mai tum last priority ho. Woh tumhe tabhi apne saath bulaate hai, jab unhe koi zaroorat ho. Tumhare hone ya na hone se unhe koi farq nahi padta. Unhe tumhari yaad bhi tabhi aayegi, jab unhe koi extra chahiye hoga. Kabhi-kabhi to tumhare bina bhi unke plan bann jaate hai. Tum puraane dost ho phir bhi unke liye naye yaaro ke number hamesha tumse pehle aate hai. Ab tumhare paas aisa koi nahi hai jisey sach mai tum apna dost keh sako. Tumhari baatein bhi ansuni kar di jaati hai, jab bhi tum koi plan banaana chahte ho.
To jahan aisa lagne lage na ki yahan tumhari value hi nahi hai. To bina kuch kahe wahan se nikal jaana. Yahi uss waqt ke liye sahi hai. Aise logo ke saath raho hi mat, jo sirf tum mai matlab dhoondhte hai. Unke saath rehne se zyaada khudh ke paas raho. Kyunki sacche log aaj kal kahan hi milte hai.
-M. N².
