Woh shaqs jo hamesha taiyaar rehta hai tumhari har baat sun'ne ko. Har dum jo dil khula rakhta hai tumhari bakwaas jhelne ko. Tum bhi apni baatein jisey sabse pehle bataati ho. Khudh to jaagti ho hi raat bhar, per usey bhi saath jagaati ho. Tumhari chaahe kisi se bhi ladaayi ho, phir tum saara gussa uss per hi utaarti ho. Woh phir bhi tumhara shorr woh chup chap baith kar sunta hai. Tum uske saath chaahe jitna bhi bura behave kar lo, per woh kabhi naraaz nahi hota hai tumse. Woh zyaada bolta nahi hai kisi se per tumse baat karna usey behad accha lagta hai. Jo tumhara gussa bhi samajhta hai aur takleef ko bhi. Jo tumhare nakhro se aaj tak kabhi thaka hi nahi. Tumhare mann pasand ke gaane se lekar khaane tak usey har pasand pata hai tumhari. Jo kuch bhi kar ke tumhe hasaane ki hamesha rakhta hai koshishein jaari.
LUL main uss shaqs ki baat kar raha hu jo tumhe bhi pata hai ki ek dost se badh kar hai tumhare liye woh. To yaar tumhe nahi lagta kya ki usey ek mauka to dena chahiye, apna saath nibhaane ka. Yaar ho sakta hai ki wahi tumhare liye sahi bhi ho. LUL ussey behtar tumhe koi aur samajh sakta hai kya, bolo ? Yaar khudh se poochna kabhi, ussey accha tumhe koi aur mil sakta hai kya ?
-M. N².
