Kabhi kabhi kisi ko samjhane ka koi faayda nahi hota. Tum ussey kitna pyaar karte ho, yeh bataane ka bhi koi faayda nahi hota. Kyunki shayad zaroori nahi hai, jisey hum pyaar kar rahe ho, woh bhi hamare liye feel kare. Ho sakta hai na, dono bahut close ho ek doosre ke. Lekin zaroori nahi hai na ki har baat ko aapas mai samajh sake.
To kisi se pyaar ke liye request karne se pehle na, uske baare mai soch lena. Agar woh tumse already door jaane ki sochta hai na, ki ab tumhe har jagah se ignore karne laga hai. Ya ab tumhe pehle se kam time dene laga hai, to ussey request soch samajh kar karna. Kyunki zaroori nahi hai, woh ek long time ke liye tumhare saath rehna chahta hai. Kyunki saath rehna itna asaan nahi hota yaar, jitna sirf keh dena hota hai.
Aur kisi ke kehne pe, to kisi se yeh ummeed bilkul bhi mat karna ki woh hamesha saath hai tumhare, hamesha pass hai tumhare. Kyunki yaar galti unki bhi nahi hoti. Kabhi-kabhi sab kuch itna jaldi ho jaata hai na ki time hi ni milta sochne ka, ki yaar hum kahin galat to nahi kar rahe. Aur yeh baat bass woh hi samajh sakta hai jisey pyaar nahi hoga, bass attraction ya kuch time ke liye saath rehna hoga. Jo pyaar karne lag jaate hai na. woh kahan kuch samajh paate hai phir. Practical cheezon se to bhatak jaate hai jaise hum kahin. Soch hi nahi paate ki woh sach mai hamare saath rehna chahta hai ya bass uska saath kuch maheeno ka. Aur isme kisi se request mat karna rukne ki, kyunki jab tum kisi se request karoge na, tum aur saste ho jaoge uske liye. Aur jitni value tumhari pehle karta tha, ab woh tumhari utni bhi nahi karega. Aur tumhari dooriyan aur badhti jaayengi. Aur yeh mazbooriyan bhi, jo kahengi tumse saath rehne ke liye. Lekin aakhir mai koi saath hoga hi ni.
To please kisi ko manaana, apni hadd tak samjhaana, lekin bass toot mat jaana. Kyunki aksar suna hai, jab hum toot jaate hai na, to hamein aur todha jaata hai. Kyunki tootne se hamari woh value na, pehle se aur kam ho jaati hai.
To please yaar, kisi se request mat karna saath rehne ki. Koi tumse pyaar karega na, to obviously woh tumhare saath rahega. Aur jo tumhari qismat mai nahi hoga na. aur agar tum usey pass rakhne ki koshish karoge, aur zidd karoge, to woh tumhe bahut heart karega. To agar koi rukta hai to theek hai, aur agar nahi to bass jaane dena usko. Sabki kahaani uss uper wale ne likhi hai, vishvaash rakho woh hi sab theek karega.
-M. N².
