LUL tum aise to nahi the yaar, jaise ab ho gaye ho. Badlaav samajh mai aata hai, per tum to poore hi badal gaye ho. Baat karne ka tareeka badal diya. Baat na karne ka tareeka dhoondh liya. Ab agar keh du tumse ki tum bahut alag tareeke se pesh aa rahe ho, to uss baat ki bhi safaayi dene lagoge. Phir meri kamiyon ki list nikaal ke, khudh ki harkat ko pare hata ke mujhe hi doshi karaar doge. Thode bahut badlaav sab mai aate hai, samajh aata hai. Per waqt ke chalte koi kya itna badal jaata hai ? Ki tum mai aur ek ajnabi mai koi farq na kar sake. Pehle to beparwaah kuch bhi bol dete the, aur ab to soch ke bolne mai bhi darr lagne lage. Aise hi kho dete ho kya sabko ? Phir yaad aati hai jab matlab ho. Tum aise to nahi the yaar, jaise ab ho gaye ho.
-M. N².
