Tumse baat karne ke liye main apne zaroori kaam bhi chodh deta tha. Mere kissey sab se nahi baat'ta main, per tumhare saamne apne kayi razz khol deta tha. Mere ghar mai tumhara zikar hone laga hai, uss mulaqaat ko lekar. Pure din kahan khoya rehta hu iss sawaal se gher lete hai sab. Aur meri khushi tumse baat karne se sabko saaf-saaf dikhti thi. Tum mujhe bahut acchi lagti thi.
Main apne saare gaane tumhe soch kar hi to gaata tha. Awaaz mai feel tumhare naam ka aur credit saara mujhe mil jaata tha. Tumhari khushboo itni suhaani thi ki zukhaam mai bhi inn saanson ko ek naya ehsaas de jaati thi. Yaad hai woh khuli khidki, chalti hawa aur mujhe choote huye tumhare udhte baal ? Main khush qismat jo meri aankhein woh nazaara itne kareeb se dekh paa rahi thi. Woh khul ke hasna tumhara, mera favourite moment jab tum hasti thi. LUL tum mujhe bahut acchi lagti thi.
Main hum dono ka naam likh kar flames karte rehta tha. Khudh per bharosha hua nahi to internet per love calculator se calculate kar leta tha. Phir paaya maine ki tumhara naam mere hi naam mai chupa hua tha. Tumhe bachpana karne ki aadat thi aur mujhe tumhari tareef. Mujhse jyada to auro ko tum lagti thi mere kareeb. Kal tumse kya-kya baatein karni hai poori raat meri issi soch mai kat'ti thi. LUL tum mujhe bahut acchi lagti thi.
Tumhara woh suit jo tumne mujhse puch kar pehna tha, mujhe pagal karne ke liye kaafi tha. Tumne baal bhi khol liye, tumhare hissey ab bass qatleaam hi baaki tha. Aayine ki aadat bhi mujhe tumse milne ke baad hi lagi thi. Main itna khul ke jiske saath paish aaya, yaar tum woh pehli ladki thi. Auron ki khwahish tum, per meri zindagi ho. LUL ab bhi tum mujhe bahut acchi lagti ho.
-M. N².
