LUL jiss raat tumhara khwaab nahi aata na,
uss raat ka soona mere liye bekaar sa ho jaata hai !
Jiss din tumse baat karna chaahu,
ussi din tumhe koi kaam aa jaata hai !!
Tumhe bhi maza aata hai kya ?
mujhse naraaz rehne mai !
kuch bhi nahi hai hamare beech,
per phir bhi accha lagta hai tumhare pass rehne mai !!
Main sach mai nahi jaanta,
ki iss ehsaas ko bayan kaise karte hai ?
Tumhare saamne aate hi mere honth chal jaate hai,
samajh nahi aata ki log izhaar kaise karte hai ?
Gaano ki lyrics aaj kal samajh bhi aati hai,
aur seedha dil per lagti hai !
Woh meri hai bhi nahi per phir bhi,
kahin na kahin meri lagti hai !!
Woh sabse chhupp kar call karna tumhara,
phir kisi bhi baat per be-wajah mushkurana hamara,
baatein sirf tumhari hi karna tumse !
Mujhe nahi pata pyaar kaisa hota hai ?
Lekin agar aisa hota hai to mujhe hai tumse !!
Aaj kal hawa chalti hai na,
to lagta hai ki tum chhuu kar guzar rahi ho !
Main to tumhare waqt mai hi thehra hu,
tum hi khudh aage-aage badh rahi ho !!
Tum jab dekhti ho mujhe to lagta hai,
mujh mai bhi kuch khaash to hai !
Khwaabon mai hi sahi aaj kal rozz mulakaat hoti hai tumse,
kahin na kahin lagta hai, hum pass to hai !!
Woh bass tumhe dekhte rehne ki hasrat,
tumhari ek jhalak paane ki lalak,
tumhare liye woh jang meri dimaagh ki dil se !
Mujhe nahi pata pyaar kaisa hota hai ?
Lekin agar aisa hota hai to mujhe hai tumse !!
samajh nahi aata ki tumhari Haann ya Naa mai kya rakha hai ?
Mohabbat ko na aaj kal badha complicated bana rakha hai !
Tumne agar Haan kardi to safar kahatam, manzil mil jaayegi,
Aur Naa agar kardi to,
aisa to nahi hai na ki mere dil se tumhare
liye mohabbat khatam ho jaayegi !
[[ Ek Haann ya Naa ka mohtaaj nahi hai mera pyaar !
Saccha hai......isiliye koi wajah hi nahi milti ki tumse ho saku bezaar !!
Rooh ke rishte ko jism se taul kar aise daag nahi lagaate !
Ishq mai dil lagaya karo na,
bewajah jyada dimaagh nahi lagaate !! ]]
Kitne hi logo se din bhar baat ho jaaye,
per sukoon tumse hi baat kar ke milta hai !
Aisa asar na jaane kab se hua hai mujhpe ?
Mujhe nahi pata yaar pyaar kiasa hota hai ?
Lekin agar aisa hota hai to mujhe hai tumse !
LUL mujhe pyaar hai tumse !!
-M. N².
