Kisi ko bataana hai ki kitna phasa hua mehsoos kar rah hu main,
Sabke beech mai daba hua mehsoos kar rah hu main,
Bataana hai ki kuch bhi accha nahi lag raha,
Bass woh sambhaal le mujhe !
Kisi ko bataana hai ki kisi ko kuch nahi bata paa raha hu main,
Sab chodh dene ka mann karta hai aur chooth jaane ka darr bhi lagta hai,
Khudh ko hi nahi samajh paa raha main,
Bataana hai ki kab se dhang ki neend nahi aayi,
Bass woh sambhaal le mujhe !!
Kisi ko bataana hai ki kitna sab kuch chupp-chaap seh raha hu,
Akela raha nahi jaata, phir bhi akela reh raha hu,
Bataana hai apne dino ke baare mai,
Bass woh sambhaal le mujhe !!
Kisi ko bataana hai ki uski kitni yaad aati hai,
Woh hasse na, to bataunga yeh bhi,
ki main bahut rooya bhi hu uske liye,
Poochna hai ki aage sab theek ho jaayega na ?
Bass woh sambhaal le mujhe !!
Kisi ko bataana hai ki kitni khwaahishein maari hai maine,
kitne sapne jalaaye hai,
Jiss darr se bhaagta tha main,
woh mere apne hi mere saamne lekar aaye hai,
Karni hai thodhi shikhayatein bhi ussey,
Bass woh sambhaal le mujhe !
Kisi ko bataana hai ki na jaane kyun hamesha be-chain sa rehta hu main,
Kahin nahi jaana hota mujhe phir bhi jaldi main rehta hu main,
Bataana hai ki apne hi shehar mai khoo gaya hu kahin,
Bass woh sambhaal le mujhe !!
Khudh se to nahi sambhal paa raha main,
Koshish kar ke dekh li,
Woh sambhaal sake,
to bass sambhaal le mujhe !!
-M. N².
