Ab jab tum milne aaogi mujhse
Aur dekhogi ki main kitna badal gaya hu
To kya kahogi mujhse ?
Tum dekhogi ki ab main kisi se baat nahi karta hu
Pehle se thodha alag nazar aata hu !
Maheeno maheeno nikal jaate hai,
Ab kaha main apne baat katata hu !!
Khil-khilata hua chodh kar gayi thi na tum,
Ab aaogi to ek dum shaant paogi mujhe !
Mujhe shaq hai ki aise dekh kar tum,
Kya pehchaan bhi paogi mujhe ?
Ab phone bahut kam istemal karta hu,
Ab message-vessage bhi nahi aate kisi ke,
Pet thodha sa nikal gaya hai,
Aur thodha soone ke liye
peena bhi shuru kar diya hai maine !
Bistar per bahut jaldi chala jaata hu raat mai
Haan woh baat alag hai ki neend ab bhi deeri se hi aati hai
Din mai kisi din tumhari yaad aaye na aaye,
Lekin raat ko to zaroor aati hai !!
Aksar raat mai hi milte the na hum
Raat ko saari baatein kiya karte the
Tumhari di hui watch rakhi hai mere pass,
Main aaj bhi usey lucky maanta hu !
Tum maano ya na maano,
Main aaj bhi woh pal yaad ke karke,
Dil se khush ho jaata hu !!
Tumhare ghar mai ab,
Woh apna-pann nahi lagta
Woh bahut anjaan jagah lagti hai ab mujhe !
Doori kaafi hai tumhare aur mere ghar ke beech
Jo pehle bahut pass lagti thi mujhe !!
Ab jab tum kabhi milne aaogi mujhse
Aur mujhe waisa paaogi nahi
To kya sambhaal logi mujhko ?
Ya iss haal mai dekh kar aur door bhaag jaogi ?
Yaar gale na lagaana to haath mila lena
Kya mere saath yeh sab time pass karna zaroori tha?
Ho sake to mujhe bata dena
Jawaab milega na ?
-M. N².
