Iss zindagi mai to nahi ho paayega,
per agli zindagi mai tumhe zaroor haasil karunga main !
Abhi tumhe door se hi dekh leta hu per agli baar,
Waada hai tumhare saath hi dikhunga main !!
Tumhari baalon ki laton ko kaano ke peeche karna hai,
jaise woh kar raha hai !
Mujhe chalna hai tumhare sang tumhara haath pakad kar,
jaise woh chal raha hai !
Maine dekha hai tumhe khwaab mai,
LUL tum acchi lagti ho mere saath,
per iss khwaab ka haqeeqat mai badalna,
iss janam mai to mushkil lag raha hai !!
Main baitha rehta hu aur sochta rehta hu tumhe,
bahut der kar di tumse milne mai maine !
Koi itna accha bhi lag sakta hai,
yeh tumhe dekh kar hi maloom pada,
ki ab tumhare alaawa saare chehre,
chubhte hai meri aankhon mai !
Tumhari zubaan se apna naam sun'na hai,
jaise usey pukaarti ho tum !
Tum bhi dekho kabhi mujhe utni hi pyaar se,
jaise usey nihaarti ho tum !
Main ban'na chahta hu tumhara,
tumhari sun'ni hai bak-bak mujhe !
Khush qismat hai woh kitna,
jisey apni baatein bataati ho tum !!
Tum ho nahi sakti meri,
per tumhare alawa koi pasand bhi nahi aata !
Ya dusre sabdo mai keh sakte hai,
ki main khudh hi kisi ko pasand karna nahi chahta !
Bass ek din tumse baat karni hai baith ke,
Bade-bade khwaab dekh rakhe hai maine,
poore hone ki gunjaish nahi hai,
per ho gaye to kya-kya baat karunga tumse ?
samajh bhi nahi aata !!
Mujhe wajah ban'na hai tumhari hassi ki,
jaise uski baaton per mushkuraati ho tum !
sardiyon ki subha mai sair karni hai tumhare sang,
jaise uske saath tehalne jaati ho tum !
Mujhe uski zindagi jeeni hai,
kyunki uski zindagi mai tum ho,
Phir aur mushkilon se farq nahi padhta,
phir to kuch bhi aane do tum !!
Per mujhe pata hai,
iss zindagi mai to nahi ho paayega,
Per agli zindagi mai tumhe zaroor haasil karunga main !
Abhi tumhe door se hi dekh leta hu,
per agli baar..............................!!
LUL waada hai mera tumhare saath hi dikhunga main !!
-M. N².
