Chalo chodh diya tumhe pareshaan karna aaj se. Main nikaal dunga tumhe apne dil aur dimaagh se. Ab lag raha hai ki maine tumhe bahut pehle ki kho diya tha. Main sambhaal nahi paaya yeh ek tarfa rishta bhi apne pyaar se.
LUL tum choti-choti se baaton ko lekar bhi mujhse roothne lagi thi. Maano jaise ki jhagadhne ke tum koi bahaane dhoondh rahi thi. Jinn faaltu ki baaton per pehle khil kar haste the hum. Tum unn baaton ko pakad ke ab ladhne lag gayi thi.
Mujhe kabhi gussa nahi aaya tum per, aur main abhi bhi tumse gussa nahi hu. Bass bura lagta hai yeh soch kar ki aisa kya ho gaya tumhe ? Jo tumne ek baar bhi mujhse mera haal tak nahi poocha. Maine har baat ke liye tumse maafi maangi bhi, galti meri nahi hoti thi phir bhi maan li meri galti bhi. Per iss baar lagta hai ki tum thaan chuki ho, ki mujhse kuch rakhna hi nahi hai tumhe. Rishta hamaara ab khatam hai, ab pyaar kaise hoga ? Chalo main mana lunga khudh ko, per yaar sab theek kaise hoga ? Chalo chodh dunga tumse baat karne ki koshish bhi, per mujhe yeh samajh nahi aa raha, ki tumhare bagair mera guzaara kaise hoga ?
Jo baatein suljha lete the hum saath baith kar, unn baton per tumne charcha hi nahi ki. Main intezaar karta reh gaya tumhare kehne ke baad se, per tumne kabhi mujhe yeh ( ? ) send kar ke, mujhse baat karne ki koshish hi nahi ki. Pehle mujh mai jo accha lagta tha tumhe, ab woh sab kuch bura lagne laga. Tum mere bina bhi poori thi, per main tumhare bina khudh ko adhoora lagne laga.
LUL tum sukoon thi mera, aur ab bechaini bhi yaar tum hi se hai. Main kisi aur ke saath reh nahi paunga yaar, mujhe pyaar karne ki aadat bhi tum ko hi hai. Chalo theek hai main move-on kar bhi lu, per mere pass tumhare alaawa koi aur samjhaane ko nahi hai. Ab tum hi batao main pehla kadam kya rakhu ? Yaar tum hi bolo mujhe aage badhna kaise hoga ? Jinn musibaton se hum saath mai ladhte the, tumhare bina unn se akele ladhna kaise hoga ? Mujhe chodhni padhegi tumse baat karne ki koshish bhi, per main samajh nahi paa raha ki tumhare bagair mera guzaara kaise hoga ?
-M. N².
