Tumse pyaar hai mujhe, per maine yeh ummeed nahi ki,
Ki tum bhi mujhse pyaar karo !
Main har mushkil mai tumhare saath rehna chahta hu,
Per maine yeh ummeed nahi ki,
Ki tum bhi mere saath raho !!
Main yeh ek tarfa pyaar karta jaa raha hu,
Pata nahi kyun mujhe bass tumhare saath hi accha lagta hai !
Main nazar-andaaz bhi hona chahta hu to sirf tumse,
Tumhara diya hua dard bhi mujhe, accha lagta hai !!
LUL tumse baat karna,
Yaar tumhari baat sun'na,
Aise hi chalta rahe to aur kya chahiye !
Sacchi mohabbat na mil saki to kya ho gaya,
Sacchi mohabbat ho chuki hai, aur kya chahiye !!
Main jaan'na chahta hu tumhara haal,
Kyunki mujhe fikra rehti hai tumhari !
Per maine yeh ummeed nahi ki,
Ki tum bhi mujhse mera haal poocho !
Main mil liya karta hu aksar tumse khawaabon ke zariye
Per maine yeh ummeed nahi ki, ki sach mai tum milo !!
Main apni jaan kyun chidhakta hu tum per,
Jabki tumhari jaan to kisi aur mai basti hogi !
Pata nahi yaar yeh kaisa jaadu hai tumhara,
Tum jaadugar ho ek,
Aur tumhe iss baat ki bhi khabar nahi hogi !!
Main chahta hu tumhe woh sab mil jaaye jo tum chahti ho,
Jo tumne mujhe bataaye the, woh tumhare saare sapne sach ho !
Mera kya hai, main to tumhe dekh kar hi khush ho jaata hu,
Bass shart yeh hai ki tum khush raho !!
LUL main ek hi tasveer tumhari har rozz hazaar baar dekhta hu !
Phir hazaar baar dekhne ke baad bhi, baar-baar dekhta hu !!
Tum kyun pareshaan rehti ho kisi bhi cheez ko lekar,
Tumhe khudh se pyaar ho jaayega,
Tumhe khudh se khudh ko sukoon milne lag jayega,
Bass ek baar dekho khudh ko uss nazar se,
Jiss nazar se main tumhe dekhta hu !!
Tumhare har sawaal ka jawaab meri taraf se 'Haan' hoga,
Per maine yeh ummeed nahi ki, ki tum bhi mujhe 'Haan' karo !
Main apni saari mohabbat tum per,
Sirf tum per lutaana chahta hu !
Per maine yeh ummeed nahi ki,
Ki tum bhi thodha sa pyaar mujhse karo !!
-M. N².
