Sab kuch temporary sa dikh raha hai. Lag raha hai sab badalne wala hai aur bahut kuch to badal bhi gaya hai. Tumhare shehar badal rahe hai, kaam badal rahe hai, dost bhi aur sab apne aap badal raha hai. Jab chooth rahi hoti hai cheezein tab nazar nahi aati, phir baad mai ek dum hi realise hota hai ki yaar ek time pe to yeh mera favourite person hua karta tha. Ek hi saath itna sab kuch ho raha hai zindagi mai ki dhiyaan hi nahi jaa raha kya bhoolna tha mujhe aur kya yaad rakhna tha.
Saari acchi cheezein tumhare ass-pass wale logo ke saath hi hogi. Tumhe shayad itna kuch farq bhi na pade per yeh society tumhe bura feel karwa hi degi. Ek time per lagega ki sab accha-accha ho raha hai. Phir baad mai wahi cheez buri lagegi. Career aur relationship saath mai toot padenge. Ek mushkil khatam hogi nahi ki dusri shuru ho legi. Aur yeh sab chalta rahega, chal hi raha hoga. Jisko bhi tumne permanent maana tha, woh temporary tha, dikh hi gaya hoga. Aage chal ke inn sab cheezon se bhi farq padhna band ho jaayega. Abhi tum jisko zindagi maan rahe ho, woh mehaz zindagi ka ek hissa hai, wait karo pata chal jayega.
-M. N².
