Tum wahi ho na ?
Jo khwaabon mai aati ho !
Ab sawaal yahi hai ki bass khwaabon mai hi kyu aati ho !!
LUL mere liye tumhare maayine bahut khaash hai,
hum aamne-saamne nahi per khwaabon ke zariye to pass hai !!
Tasveerein dekhta rehta hu tumhari,
aur mann hi mann muskuraata rehta hu !
Aaj kal pata nahi kyu per jo gaane tumhe acche lagte hai,
sirf wahi gaane gungunaata rehta hu !!
Koshish meri jaari rehti hai ki kam hi sahi,
per hamari rozz baat hoti rahe !
Dheere-dheere meri saari feelings,
tumhari taraf aazaad hoti rahe !!
Waise tumhe meri baatein samajh kab aayengi ?
ya kabhi aayengi bhi ki nahi ?
Main tumhe chahne ke safar mai chalta rahu ya rukna bhi hai kahi ?
Tum mohabbat ho yaar, ab seedhe-seedhe bataun kya ?
Mere alfaazon per bharosha nahi hai, tumhare saamne aaun kya ?
Yaar kuch kehna tha tumse,
bura lage agar to nazar andaaz kar dena aur accha lage to laga lena dil se !!
Meri saari khwaahison ka ek lauta chehra ho tum !
Tumhe paana jaise manzil hai, mere liye to mukaam sunehra ho tum !!
Ab meri baatein tumhe samajh nahi aati ya tum khudh samajhna nahi chahti
yeh to meri bhi samajh ke bahar hai !
Mujhe nahi pata badle mai pyaar milna kaisa hota hai ?
Maine to bass pehli dafa tumse hi mohabbat ki hai,
to mere liye to yahi pyaar hai !!
LUL jab tumhara naam, main apne hi naam mai paata hu na,
to lagta hai ki mera naam bhi itna pyaar ho sakta hai ?
Koi jab puchta hai na naam tumhara,
to main apna hi naam ka question de deta hu usey,
aur uss waqt lagta hai ki duniya mai,
issey accha calculation koi ho hi nahi sakta hai !!
Tumhari tareef karna to ab aadat si bann gayi hai meri jaise !
Tum mere ho bhi nahi phir bhi, tum mere to ho na waise ?
Tumse baat karne ke liye tumhe khabar bhi nahi,
ki main kitne tarah ke tareeke aazmaata hu !
Intezaar karta hu tum koi status daalo,
uss per reply kar ke baat badhata hu !!
Tum saamne se koi koshish hi nahi karti,
shayad meri koshishon ko notice hi nahi karti !
Koi joke bhejta hu to bass LUL keh kar jawaab dete ho !
Ab uske aage main kya bolu ?
Tum baat badhaana hi mushkil kar dete ho !!
Per phir bhi tumse naraazgi nahi hoti !
Mohabbat jaisi hai...waisi hai, kabhi aadhi nahi hoti !
kal baat karte hai tum to keh deti ho,
per tumhari taraf se woh kal kabhi aata hi nahi !
To parso baat phir mujhe hi shuru karni padhti hai,
kyunki tumse baat kiye bina mujhse raha jaata hi nahi !!
Yaar kuch kehna tha tumse,
bura lage agar to nazar andaaz kar dena,
aur accha lage to laga lena dil se !!
-M. N².
