LUL tum woh ho, jissey baatein to hazaar hoti hai, per mulakaatein kabhi-kabhi. Photos bhi saath mai hamaari bahut kam hai yaar, per yaadon ki to ginti hi nahi.
LUL tum woh ho, jiske saath baat karne pe 'Aur batao' nahi bolna padhta mujhe. Tumse agar kabhi milu main to mujhe time kaatne ke liye phone dekhne ki zaroorat nahi padhti hai.
LUL tum woh ho, jisey main sar pe chadha ke nahi, dil mai basa ke rakhta hu. Main saamne tumhare bhale hi tumari galti per hassta rahu, per main tumhari sabse zyaada parwaah karta hu. Yaar zindagi mai meri kuch bhi ghat'ta hai na to sabse main tumhe bataana chahta hu. Jo movie maine dekhi hai, tumhe bhi zabardasti woh dikhana chahta hu, taaki uss movie ke baare mai main tumse aur zyaada baat kar paun.
LUL tum woh ho, jissey be-matlab hi rishta bana tha. Ek waqt ke baad tumse mera itna pyaara rishta bann gaya aur mujhe pata bhi nahi chala.
LUL tum woh ho, jiske saath zindagi ki yaadein bani hai. LUL kitne saalo se jaante hai hum ek doosre ko, per saath mai ek bhi photo nahi hai.
-M. N².
