Kuch saal pehle na meri ek dost hua karti thi. Woh mujhse kayi 100 kilometer door rehti thi. Hum rozz baatein karte the, ek doosre se sab raazz share karte the. Soone se pehle good night aur jaagne ke baad rozz good morning kehti thi. Woh sorry bolti thi agar late reply karti thi. Main soch hi raha hota tha text karne ko aur woh hi saamne se kar deti thi.
Mujhe bhi dheere-dheere ehsaas hua ki bina mile bhi pyaar ho sakta hai. Tumhe saamne se usey dekhne ki zaroorat bhi nahi hai. Sirf baaton se hi rishta kamaal ho sakta hai. Vibe match ho rahi thi itne kilometer door.
Mere andar uske liye feelings thi to maine usey bata diya. Per phir uske baad pata nahi kiya ho gaya. Thodha ajeeb sa behave karne lag gayi woh. Mujhse kati-kati si rehne lag gayi woh. Haala ki usne mujhe mana kar diya tha, per aisa nahi tha ki uske mana kar dene se mera dil toot gaya ho ya mujhe bura laga ho, main normal tha. Per woh khudh hi uske baad se mujhse door-door si ho gayi. Baat na karne ke bahaane banaane lagi, message ya call per reply bhi nahi karti thi. Mujhse dheere-dheere taluqaat usne khatam kar diya.
Phir kuch maheeno ke baad hum bilkul hi alag ho gaye. Main aaj bhi ussey pyaar karta, lekin mujhe ussey pyaar kabhi nahi mila, per phir bhi ussey hi pyaar karta hu.
Main aaj bhi usey miss karta hu per baat nahi kar sakta, per aaj bhi uski yaad aati hai. Kabhi kabhi text kar deta hu usey, per ab woh 'Haan' aur 'Hmm' ke alaawa kuch aur bhej hi nahi paati hai. Uska number hai mere pass, per na hi call kar sakta hu aur na delete.
Kitna kuch badal gaya na mere saath, pehle inbox bhara rehta tha uske messages, aur ab clean. Maine meri friend ko stranger bante dekha hai. Main aaj bhi sab pehle jaisa kar sakta na, to kab ka kar deta. Per yahi life hai na, log aate hai, chale jaate hai, aur hamein move on karte rehna padhta hai.
-M. N².
