Jab dekhta tha filmo mai,
Ki ek insaan ke peeche
koi inta pagal Kaise ho sakta hai ?
Mujhe jhooth lagta tha,
Per haqeeqat mujhe
tumhare jaane ke baad samajh aayi !!
Socha tha bhool jaunga tumhe,
Yeh pagalpann ek din khatam ho jaayega !
Main bhi kisi aur ko chahne lagunga,
Dil hi to hai, sambhal jaayega !!
Per tum gayi hi nahi
tumhare jaane ke baad bhi mere khayaal se
Jo main sochta tha ki tunhare jaane ke baad
khudh ko sambhaal lunga,
Woh mere saare hisaab ulte padh gaye !
Woh jo aakhiri baar,
tumse baatein kar ke neend aayi thi,
Mere saari saari raatein wahin tham gayi !!
Ab tumhare jaane ke baad,
kahani kuch aur ho gayi hai meri,
Ab main jab chaahu tumhe dekh nahi sakta,
Ab main jab chaahu tumse baat nahi kar sakta !
Tumhari awaaz kaano mai goonjti hai mere,
Per woh awaaz ab kaisi hai,
Main chaah kar bhi sunn nahi sakta !!
Chehre ka rang udd gaya hai mera
Main chaah kar bhi hass nahi paata !
Din aise aa gaye hai ki main tumhe,
khwaab mai dekhne ke liye soona chaahu
Lekin main chaah kar bhi soo nahi paata !!
Woh saari baatein yaad aati hai,
Woh saare waade yaad aate hai,
Woh saare sapne yaad aate hai,
Neend mai bhi bad-badaane laga hu main
Yaar main pehle se bahut badal gaya hu
Ab bike chalaane se darne laga hu
Ab mere bimaar padhne per,
tum mera haal bhi nahi jaan paogi !
Mujhe har cheez sabse pehle
tumhe bataane ki aadat thi,
Mujhse yeh aadat bhi kabhi chooth nahi paayegi !!
Main aaj bhi tumse baat karta hu,
Haann... lekin jawaab nahi aata tumhara
Woh alag baat hai !
Sach mai bahut mushkil lag raha hai jeena
tumhare bagair,
Haann... lekin jeena padh raha hai
Woh alag baat hai !!
Ek baar phir se sambhaal lo mujhe,
Ek baar phir se jeena sikha do !
Main pagal ho raha hu tumhare bina,
Mujhe phir se apna pagal bana lo !!
Mujhe tumhare siwa kuch nahi chahiye,
Panne faad du uss kismat ke
jisme hum saath nahi hai !
LUL aa jao waapas,
Ab bass bhi karo....bahut waqt ho gaya yaar !!
-M. N².
