Tum ho hi aisi Bilkul kisi khwaab jaisi !!
Dekho na tumhari sirf ek baat ne Kya asar kar diya hai mujh pe !
Ki ab jaagte, sote, haste, rote, bass sochta rehta hu tumhe !
Tumhare liye mujhe hasaana bahut aasaan kaam hai !
Bass ek message kar do apni taraf se,
aur main poore din muskuraata rahunga !
Main poore din ki baatein,
ikkatthi kar ke rakhta hu tumse bolne ke liye !
Main poori koshish karta hu,
ki kam hi sahi per hamari baatein hoti rahe !
Tum kabhi-kabhi bin jaane hi mujhe special sa feel kara deti ho !
Haala ki mujhe pata hai ki main special nahi hu tumhare liye !!
Main nahi jaanta ki tum,
mujhse hi aise baat karti ho ya sabke saath hi aisi ho !
Per jo bhi ho tumhe andaaza bhi nahi,
LUL tum kya ho mere liye !!
Mere khayal mai hamesha tum kahin na kahin rehti hi ho,
Mujhe neend bhi tabhi aati hai,
agar tumse thodi si bhi baat ho jaaye !
Pata nahi kyun main har dum,
khudh ko tumhare saath hi dekhta hu,
Phir subah jagta hu to yahi sochta hu,
kaash woh khwaalb sach ho jaaye !!
Yaad hai tumne ek movie suggest ki thi mujhe,
Aur kitne dil se kaha tha usey dekhne ke liye !
Main sach bataun to mujhe,
woh itni bhi zyaada pasand nahi aayi,
Per usey poora dekha maine sirf tumhare liye !!
Jissey hamaari baat ho sake uss movie ke baare mai,
Tumhare ek baar kehne pe saara waqt tumhe de diya,
Tumhe phir bhi yeh baat samajh nahi aayi !
Meri zindagi tumhare ird-gird hi rehna chahti hai !
Kabhi door se dekhna chahti hai,
Kabhi gale se lagna chahti hai !!
Per main jaanta hu tumhe mujhse pyaar nahi hoga !
Phir bhi ummeed to rehti hai,
ki kahin koi karishma hi ho jaaye !
Dimaagh kehta bhi hai,
ki iss raaste aage chala ke kuch nahi milne waala,
Per dil hai ki apni taraf se nakaam koshishein karta jaaye !!
Main bhi jaldbaazi nahi karna chahta,
Pyaar mile na mile per tumhare jaisa saathi nahi khona chahta !
LUL tumhe yaad hai ki yeh sab ek message se shuru hua
Aur aaj dekho hum ek doosre ko kitna jaanne lage hai !
Jab tumse baat nahi karta main tab bhi sirf tumse hi baat karta hu,
Din ke yahi kuch pal to mujhe sabse khaas lagte hai !!
Aur ussey bhi khaas LUL tum lagti ho mujhe,
Tum ho hi aisi yaar, Bilkul mere khayaal jaisi !!
-M. N².
