Main tumhe message karunga Hii,
tum mujhe reply karna,
Phir hamaari baat hone lagegi,
Tumhari aawaaz sunn kar sooya karunga main !
tum meri aawaaz sunn ke jaagna
Bye bol kar bhi baatein khatam nahi hone dunga main !
Hum milenge to pehle hi bata du,
sadak pe tumhara haath nahi chodhunga main !!
Tum miss karo mujhe to randomly video call kar dena,
Tumhe dekh kar mera din behatreen ho jayega !!
Hum saath mai romantic movies bhi dekh liya karenge,
Phir hamaara bhi kuch pyaar waala scene ho jayega !!
LUL main bahut pyaar karunga tumse,
Tumhari saari musibatein meri ho jayengi !
Chup-chup ke milne aaya karunga tumse,
Raat mai call bhi karunga jab mummy soo jayengi !!
Hum saath mai grow karenge,
ek doosre ko hamesha support karenge !
Phir rishta hamaara aage badhne lagega,
Phir hum apni baat ghar waalo se karenge !!
Uss mai bhi laakh pareshaniyan aayengi pata hai mujhe,
Mere ghar mai koi nahi maanega,
ya tumhe bhi saaf mana kar denge !
Per main tumhara haath kabhi nahi chodhne waala,
tum bhi thaame rakhna,
Hum apne pyaar se kaise bhi kar ke unhe mana hi lenge !!
Phir aakhirkaar ek ho hi jayenge hum,
aur saath mai mil ke apna ghar banayenge
Hum kaise-kaise mile ek doosre se,
Yeh saari kahaaniyan apne baccho ko sunayenge !!
Raat ko chat pe baat karne se subah saath jaagne tak,
Main karwat badlu aur tumhari aankhein dekh rahi ho meri taraf,
Phir saath chalte-chalte hamaare baal bhi safed ho jayenge !
Phir apni puraani photos dekh kar hum,
puraane pal yaad kar ke muskurayenge !!
Aisa future maine dekha hai LUL tumhare saath !
Ek pyaari si love story, Happy ending ke saath !!
Per iss kahaani ko poora karne ke liye,
tumhara mere uss message ka reply dena zaroori hai !
Hamaari baat hona zaroori hai, Hamaara saath hona zaroori hai !!
Per ab tum baat hi nahi karogi to kahaani aage kaise badhegi ?
Reply to karna padega na, Hai na ?
-M. N².
