Agar koi block hone ke baad bhi aapko message kar raha hai na. To shayad woh aapse bahut pyaar karta hai. Aur shayad usey tumhari sabse jyaada zaroorat hai. Jo apni self-respect bech kar, tumhari saari baatein sunn kar, woh phir bhi aapse baat karna chahta hai na. To shayad kahin na kahin woh bahut jyaada hurt hai. Kyunki ho sakta hai, sirf tumhare liye woh sab time pass raha ho. Lekin kabhi-kabhi yeh feelings na, hamaare dil tak pahuch jaati hai. Aur phir inn feelings ko ignore karna na, itna aasaan nahi ho paata. Woh shayad chupaata ho bahut si baatein sabse. Woh pata nahi kab se roo raha ho, sirf baatein karne ko tumse. Kyunki sab itne strong nahi hote yaar. Sab yeh baat itni aasaani se nahi samajh paate, ki zindagi mai kuch logo ka mil jaana, kabhi-kabhi temporarily bhi hota hai.
Agar koi hai na, jisey aapki abhi sabse jyaada zaroorat ho. Jo block hone per bhi har jagah se, tum tak pahuchne ki koshish kar raha ho. Ek baar....ek baar ussey baat zaroor kar lena. Kyunki woh jo dard hai na uske dil mai, woh dikhta nahi kisi ko. Bass chubhta hai, ussi ke dil ko. Agar tumhe lage woh sahi hai aur isme shayad uski itni galti nahi hai. To please ussey baat kar lo. Usey thodha sa time do. Sab theek ho jaane do. Kyunki move is a part of life, ek din woh bhi aa jaayega. Lekin abhi, please ussey baat kar lo. Please ussey baat kar lo.
-M. N².
