Woh akela rehta hai, shayad pasand hai usey !
Kuch batata bhi nahi hai, koi raaz hai usme !!
Woh hassta to hai, per sirf honthon se,
aankhon se to khushi dikhti hi nahi !
Lagta to hai bahut kuch kehna chahta hai,
bolta bhi hai, per bass kore kaagazon se, aur kisi se nahi !!
Kuch khwaab hai uske, jo razz hai uske !
Usey woh bhi nahi padh sake, jo chand ajeez hai uske !!
Woh apna khayaal rakh leta hai khudh !
ya majboori hai koi,
anjaani chah mai jo rehta hai thodha chhup !!
Kuch adhoora sa hai woh, lagta hai dekh kar usey !
Kuch batata bhi nahi, koi raaz hai usme !!
Woh apni haqeekat likhta hai kahaani bann jaati hai !
Uski awaaz dard se mil kar seedha mohabbat se takrati hai !!
Bahut kuch ander bhara hai uske,
gussa bhi hai per nikaale kispe ?
Usey saath nahi chahiye kisi ka,
woh akela apna saathi hai !
Per ek awaaz chahiye ki jaa apna rasta khudh chunn le,
bass itna hi kaafi hai !!
Usey uske khwaab bahut pyaare hai,
Unke beech mai kuch bhi aaya,
woh usey chodhna chahta hai !
Woh apne dil ki sune bhi to kaise sune,
jab uska parivaar hi zamaane si talwaar bann jaata hai !!
To darr lagta hai usey,
woh safar mai chale bhi to kaise,
kuch batata bhi nahi hai,
koi raaz hai usme !
Woh nahi karna chahta woh jo kar raha hai,
uska dil LUL ke bina nahi lagta, dekho woh marr raha hai !
Woh aage nahi badh paa raha hai, ussey ab nahi ho raha hai,
ussey pucho to sahi woh aakhir chahta kya hai !
Shayad isiliye,
Shayad isiliye,
woh kuch batata nahi hai !
Shor bahut karta hai per woh chillaata nahi hai !!
Kuch keh kar hoga bhi kya jab sunne wale sab behre ho,
usey faisle khudh hi karne hai nateeja ab kaisa bhi ho !!
Kuch udaas hai woh,
na jaane sochta rehta hai kisey ?
Kuch batata bhi nahi hai, koi raaz hai usme !
Woh akela rehta hai, shayad pasand hai usey !!
-M. N².
