Tumse thodhi maanga hai kuch,
tum jiyo apni zindagi,
Pyaar dono taraf se ho,
aisa to zaroori nahi !
Tum nazar andaaz karo ya pass raho,
woh tumhari marzi hai,
meri mohabbat per tumhe haq nahi chahiye to chill,
koi baat nahi !!
Ab tumse hi kyu hua ? kaise hua ?
Bass ab yahi hai jo bhi hai !
Tumhari taraf se nahi meri taraf se hi sahi,
ab tumse pyaar hai to hai !!
Rozz ek nayi wajah milti hai tumhe chahne ke liye,
mohabbat kam hi nahi hoti, badhti hi rehti hai,
tum batao na main kya karu isey constant banane ke liye !
Tumhare baat na karne per, block-unblock karne per,
naraaz ho kar mujhse door chale jaane per bhi
pyaar aane laga hai aaj kal mujhe,
Shayriyan bhi likhne laga hu apne aap,
lagata hu status pe sirf tumhe dikhaane ke liye !!
Ab tum door jao ya aur door,
kam to nahi hoga ab jo bhi hai !
Kaise rok lu dil ko bhi yaar,
ab tumse pyaar hai to hai !!
""Ishq mai izhaar zaroori to nahi,
bass pyaar karna aana chahiye !
Aaj nahi to kal mohabbat milegi hi,
bass intezaar karna aana chahiye !!
Yahan sab ki zubaan per ek hi sawaal hota hai,
ki ishq per itna kyu bawaal hota hai ?
Yahan dil de kar dil lene ki shart thodhi thi,
Arey aise zabardasti thodhi na pyaar hota hai !!
Na koi jawaab aur na hi koi sawaal hota hai,
Na hi koi ummeed aur na hi koi malaal hota hai,
Paane se jyada usey chahne ka khayaal hota hai,
issiliye ek tarfa ishq sabse kamaal hota hai !!""
LUL ab tumse hai, to bass hai,
Tum bhi rehne do ander tumhare dil mai jo hai !
Tum meri nahi ho sakti phir bhi main kya karu yaar,
Ab tumse pyaar hai, to hai................................!!
-M. N².
