Ajeeb sa mann hai, ek uljhan hai. Udaas hu, kyun hu ? main nahi jaanta. Main nahi chahta, koi samjhe mujhe. Kyunki ab main kisi ko kuch samjhaana hi nahi chahta. Ek cheez chahiye mujhe, thodha peace chahiye mujhe. Kisi ki bhi baaton per mujhe aaj-kal hassi nahi aa rahi hai. Roone ka mann kar raha hai, wajah bhi nahi pata. Chai mai cheeni barabar hoti hai, per aaj-kal pata nahi kyun woh bhi feeki lag rahi hai. Bass bura-bura sa lag raha hai, har baat ka. Koi cheez theek nahi jaa rahi. Aisa pehle kabhi hua bhi nahi saath mere. Ek dum haara hua sa lag raha hai mujhe. Jaise kitne waqt se koi jeet haasil hi nahi ki hai maine. Kya karu ? samajh nahi aa raha hai. Kisi se baat karu kya ? Nahi.....mann nahi ho raha hai. Chalo ek aas laga leta hu phirse, aur kar bhi kya sakta hu iss mai. Har baar ki tarah khudh se bol deta hu ki sab theek ho jaayega. Shayad khudh se hi iss tarah ki baat sunn kar neend hi aa jaaye dhang se. Ajeeb sa mann hai, ek uljhan hai. Samajh nahi aa raha ki kya karu ?
-M. N².
