Sunn,
Zyaada pareshaan mat hona. Neend na aaye to bhoolna mat ki koi hai jo tere liye poori raat pareshaan ho sakta hai, taaki bass tu pareshaan na ho.
Mujhe pata hai tu phir se wahi same kahaani sunayega, wahi tere dil toot jaane ki. Aur phir se usey wapas bulaane ki zidd mai lag jaayega. Mere motivation ka bhi koi asar tujh pe dikha nahi. Mujhe pata hai tu phir se roone lag jaayega.
Lekin i'm here. Aur main hamesha hu tujhe push karne ke liye. Taaki tu phir se chalne lage. Jo raaste adhoore hai na zindagi ke tere, unn raasto ko badalne lage. Main raha hu uss waqt mai, jiss waqt se tu aaj guzar raha hai. Dil dukhta hai sab ka, isme koi alag baat nahi hai ki aaj tera dukh raha hai. Lekin ek baat thi, kuch time baad na sab theek hone lagta hai. Jab zindagi ke naye logo se milte hai. Jab zindagi ka har ek din badalne lagta hai.
Tu bass busy rakh apne aapko. Sab theek ho jaayega. Tu bass jaane de uske haal ko. Woh tera hota to tera hota na, ab woh nahi hai to hai nahi jaane de.
Sunn, Zyaada pareshaan mat hona. Neend na aaye to bhoolna mat ki koi hai jo tere liye poori raat pareshaan ho sakta hai, taaki bass tu pareshaan na ho.
Aur main teri same kahaani sun'ne ke liye baar baar tayyar hu yaar. Bass tu zyaada pareshaan mat hona. Sab theek ho jaayega.
-M. N².
