Aage chal ke sab badal chuka hoga. 5 saal baad tum kahan hone waale ho, uska abhi tumhe andaaza bhi nahi hoga. Jinn doston se abhi tumhara rozz milna hota hai, kya pata aage woh ajnabi ho jaaye. Jisey abhi tum just freind ka tag de kar baithe ho, kya pata aage tumhe ussi se pyaar ho jaaye. Kya pata jo abhi mushkil lag raha hai, aage chal ke tumhare baayein haath ka khel ho. Jo tum soch bhi nahi sakte the kabhi sapne mai, kya pata woh hi kahaani tum aage suna rahe ho logon ko. Jiss jodhi ko dekh kar tum abhi couple goals ka naam dete ho, kya pata aage chal ke tumhe unke status mai sad shayarian sunai de. Jo shaqs abhi tumhe pasand nahi, aage chal ke wahi tumhara sabse accha dost bhi bann sakta hai. Kyunki jo humne socha nahi hota na, zindagi mai aksar wahi hota hai.
Kya pata jiss party mai jaane ke liye tumne abhi mana kiya, udhar tumhara humsafar baitha ho. Kya pata jiske baare mai tum abhi soch rahe ho, woh bhi tumhare baare mai hi soch raha ho. Tumhe dusro ko aage badhta dekh, khudh ke liye bura lagta hai. Per samjho yeh baat, tumhara bhi waqt aane waala hai, abhi unki qismat, unka waqt chal raha hai.
Koi 21 saal mai millionaire bana, aur 22 saal mai marr bhi gaya. Kisi ne 28 saal tak struggle kiya per uske baad poori zindagi khushi se jiya. Aage chal ke kya hoga, tum kahan hoge, kuch nahi pata, kyunki kuch bhi ho sakta hai. To abhi jo tum kar sakte ho karo, vartamaan hi zindagi hai. Jitna khul ke jee sakte ho, jiyo. Aur mujhe jo lagta hai woh yeh ki har cheez ka apna ek waqt hota hai. Tum bass badhte chalo, waqt ke saath sab milta jaayega tumhe.
-M. N².
